 |
| Lianie May (Credit: Mozi) |
Die oulike blondekop
sanger Lianie May vertel vir The Beat oor haar en Jay se nuwe witwarm
CD, Bonnie & Clyde, en ook haar nuwe musiek opnames waarmee sy besig is.
Hoekom dink julle is
mense so aangetrokke tot julle duet liedjies? Eerlik, ek weet nie, seker
oor ons oor die liefde sing, van Toe stop my hart, tot Lank lewe die liefde,
Bonnie & Clyde, danksy mooi liedjies wat geskryf word deur Johan Vorster,
dink ek mense kan hul vereenselwig met ons liedjies...
Hoe en waar het julle
begin saamsing? Eintlik het ons al in 2007 ons eerste duet liedjie Head
over Heels opgeneem op Eden se album Kniee Lam, en toe neem ons Toe stop myhart op en die mense (ondersteuners) het begin luister en begin saam sing.
Wat is dit omtrent
jou duet-sangmaat wat die hele opnames so spesiaal maak? Behalwe dat Jay `n
baie mooi stem het, die warm tone in sy stem, wat hom uniek maak, en ons stemme
wat so goed pas, moet ek se die mens wat hy is tel vir my so baie, hy is `n
mense mens nes ek, en boonop `n
talentvolle kunstenaar!
Wat weet aanhangers
nie van jou duet-sangmaat nie? Dat hy omtrent enige iets kan sing, regtig,
dit verbaas my baie keer (behind the scenes soos hul se – as ons almal langs `n
vuurtjie sit en sing, hy kan selfs Bon Jovi gewees het)
Wat is die grootste
kompliment wat julle al as 'n duet-sangpaar gekry het? Die mooiste woorde
is altyd: JULLE IS MY GUNSTELING DUET PAAR!!! Dit beteken die wereld, dit
beteken ons doen iets reg, ons gee ons aanhangers wat hul graag wil he,
liedjies vir die siel en hart! Selfs as ons `n prys of twee wen, dit beteken so
so baie, ons mense stem vir ons.
En aardigste/unieke
reaksie van 'n aanhanger? Dit verbaas my nou nog, as ek `n aanhanger kry,
wat so bly is om ons te sien, die op en af springery, hy of sy bewe kry nie `n
woord uit nie, of die kindertjies wat vir my Soen my nie meer of Pleister vir
my hart sing by die optredes.
Verduidelik die titel
van julle nuwe CD? Bonnie & Clyde (ons duet album) – die liedjie gaan
nie oor, ons beroof banke en skiet mense nie, nee regtig, dit gaan oor `n
getroude paartjie wat nou kinders het, dis maar `n dol lewe en hul mis hul
jonkwees en verlief wees, die liedjie is vir een en elkeen wat maar net weer so
wil voel toe hul jonk was.
Hoe lank het julle
aan die CD opgeneem? Seker oor `n
tydperk van 6 maande, ek het in Desember begin opneem (ek onthou dit goed) en
die opnames klaar gemaak met As jy sing so teen Mei maand...ons het maar
opgeneem soos ons kans gekry het in die week.
Saam met wie sal jy
nog 'n duet wil opneem? Nee wat, ek is gelukkig om die duette saam met Jay
te kan sing, dit werk, ons liedjies werk en gee `n magic, ek glo nie mens moet
verander aan iets as dit werk nie, ek is gelukkig met my sangmaat,..(ons naam
en van rym nie verniet nie....grap net)
Gaan julle toer met
die CD? Ja ons beplan `n landswye toer maar met groot venues, moontlik `n
orkes, beligting, groot verhoog, choreografie, ons wil die ondervinding die
moeite werd maak vir ons aanhangers.
Watter ander projekte
is daar waaraan jy op die oomblik werk? Ek werk tans aan `n kinderalbum met
liedjies oor skool, maatjies, Bybel liedjies ens...wat opvoedkundig is, wat
volgende jaar vroeg met DVD vrygestel word...
Indien jy nie optree
en opneem nie, hoe onstpan jy? Ek oefen of gaan stap of ry fiets...en ek
kyk my gunsteling programme op TV!
Comments
Post a Comment