Elvis is weliswaar
dood, maar die gerugte oor sy misterieuse seun wat sy pa se kenmerkende stem en
opwindende dansbewegings geërf het, wil maar net nie gaan lê nie . . . . Meer
as dertig jaar na Elvis Presley se dood daag ʼn splinternuwe Afrikaanse musiekgroep
op wat dieselfde tipe musiek maak as die koning van ruk en rol, maar in
Afrikaans. Is dit dalk waarlik Elvis se seun wat nou sy opwagting in
Suid-Afrika maak? The Beat het onder
groot geheimhouding met die groep gesels om meer uit te vind oor hulle en hul
kookwater musiek.
Wie is Elvis se seun?
Ons is vyf jong mense en baie geheimsinnig!
Ons tree almal op onder ons groepnaam, Elvis se seun. Ons groep bestaan
uit ’n tromspeler, twee dansers, ’n kitaarspeler en sanger. Een van ons is wel
Elvis se seun . . . ek!
_02.jpg) |
| Die Koning van Rock: Elvis Presley |
So waar het die groep
sy onstaan gehad? Ek kom van die plaas Genadeland in Namibië. Die res van
die groep het ek in Suid-Afrika ontmoet toe ek nog onder ’n skuilnaam as
solokunstenaar opgetree het.
Die naam van die band
is baie oorspronklik, hoe het julle daarop besluit? Tydens die optredes het
mense voortdurend vir my gesê ek lyk en sing soos Elvis. Die ooreenkoms was
baie duidelik en my styl is ingebore - vandaar die naam Elvis se Seun.
En mense wat nog nie
julle lekker musiek gehoor het nie, hoe sal julle dit beskryf? Ons musiek
is uiteenlopend, maar die styl en klank
is besonders. Op ons CD het ons drie liedjies met 'n moderne dans-genre,
so vier liedjies met ʼn poprock-genre en
sewe liedjies met ʼn tipe Rock-n-Roll-boeremusiek-mengsel, wat ons boererock
noem.
Is julle aanhangers
van Elvis? Ek’s 'n groot bewonderaar van my pa se musiek en loopbaan, en
volg dit reeds my lewe lank. Die res van die groep is ook groot fans.
Elvis het sy bo-lip
altyd so getrek as hy sing en sy heupe en bene laat dans, wat vroue natuurlik
mal gemaak en laat skree het. Doen julle iets soortgelyks om fans by shows op
te sweep? Ons musiek is lekker prettig en energiek, so ons dansbewegings
ook. Ek sal sê ons optredes is ons sterk punt. Ons doen baie moeite om ons
gehore te vermaak gedurende ons optredes en ons geniet dit vreeslik. Ek is
gelukkig dat ek my pa se los litte en styl geërf het wat uitstaan by ons
optredes.
Ek het die handvol
liedjies op jul Facebook-blad gehoor en dis great! Hoeveel songs het julle al
bekendgestel? Ons het tot dusver drie liedjies publiek gemaak en gaan
stadig maar seker nog bekendstel op ons Facebook-blad
www.facebook.com/Elvisseseun , radio en tv.
Wanneer kom die CD
uit? Ons beoog om dit teen September 2013 uit te reik.
Wat weet mense nie
van Elvis se Seun nie? Ek dink mense weet nog baie min van my en ons as
groep, maar ons verkies om dit so te hou, sodat ons musiek eerder die praatwerk
doen.
Hoe en waar kan mense
uitvind van jul optredes? Hou ons Facebook-blad
www.facebook.com/Elvisseseun dop. Vir navrae kontak Alishia van Deventer op +27
83 635 4717 of stuur ’n e-pos aan Alishia@starburstmusic.co.za Faks: 086 618
7885
Laaste een, has Elvis
ever left the building? Miskien, maar die legende leef voort in Elvis se
Seun.
Comments
Post a Comment